Saawan bhi mera tum ho,Meri piyas bhi tum ho
Sehra ke badalon main,Chupi aas bhi tum ho

Tum yun to bohat door,bohat door ho mujh se
Ehsaas yeh hota hai,mere pass bhi tum ho

Har zakham ki aghosh main hai dard tumhara
Har dard main taskeen ka ehsaas bhi tum ho

Kho jao to veeran si ho jati hain raahen
Mil jao to phir Khizar bhi,Ilyaas bhi tum ho

Likhti hon to tum hi utartay ho qalam se
Parhti hon to " Al-Hamd " se " Wan-nass " bhi tum ho